*:* البارتــــــــــــ الرابعـــــــ *:*

رغد وهي تمشي بشويش وهي تقول في نفسها والله لأوريك يا بندر جاء
اليووم اللي أنتقم فيه منكــ
..وقربت منه وكان يتأمل في حوض ورد جوري زارعته رغد لإنها تحب هذا النوع من الورود ..
.............................
رغد وهي تمشي بشويش : طـــــاااااخ ..
ألتفت خالد مفجوع وشاف رغد طايحه على الأرض ركض بسرعه لها ..
خالد : رغوده وش فيكــ <<<< يمون الأخ هع ..
رغد ما تعورت بس من الفشيله ماهي قادره تتحرك ..
خالد : رغوووده وش يعوركــ ..
رغد تأشر على رجلها بدون ما تتكلم ..
قرب خالد من رجلها ... وهنا رغد قلب وجهها طماطم من الأحراج ..
خالد : هنا ..
رغد تأشر براسها يعني لا ..
خالد وهو يرفع يده على ساقها وعلى وجهه أبتسامه يحاول يخفيها : هنا ..
رغد أنتبهت لإبتسامته وقامت بسرعه تركض للبيت ..

خالد مبسوط : هههههههههههههههههه .. يالـــــبى قلبها .. الحمد لله بس

أني جيت بسيارتي وسبقت
وقال بصوت مسموع : آآآآآآآآآآآه بتذبحني ذا البنت ..
الشباب .. مين اللي بتذبحك ؟!!

خالد أنفجع وألتفت وراه بسرعه : هااااه .. أهلين ماجد .. متى جيت ؟!!
ماجد : توني داخل ..
خالد ويبي يضيع الموضوع : أقول ماجد وش رايك نستنى الشباب برى ..

لإني أسمع صوت البنات شكلهم قريب ..
<<< ياعيني على الحب .. ما يبي رغد تطلع ويشوفها ماجد هع
وطلعــــــــــــــــــــوا ..
أما عند رغد فكانت مشاعرها مختلطه .. خايفه . ومنحرجه . وفرحانه ..
ومبسووطه أنها شافته لإنها مشتاقه له ومن زمان ما شافته ..
.................................................. ..
وجوا الشبابــ ..
بندر : هلا ماجد .. وسلم عليه ..
بندر : ليش مادخلتوا جوا ؟ ولا مستحين يعني ؟؟

خالد : لا بس شكل البنات في بيت الشعر ..
بندر : أهااا .. أجل خلونا ندخل المجلس ..
وهم يمشون بالحوش لقى زياد بطريقه كوره وقام يلعب فيها ويرفعها

برجله بطريقه أحترافيه ..
..............................................
عند البنات كانوا منسجمين مع الفيلم وداخلين جو وكل وحده لاصقه في

الثانيه من الخوف ..
مشاعل : خلاص بنات .. وربي ماني قادره أتحمل ..
ليلى : إيه والله وش ذا الفيلم .. كله ذبح وذبيح ..
رنا : أقول اسكتواااااا بس .. خلونا نشوف مابقى شئ على النهايه ..
ندى وهي ماسكه يد ريما : إيييييه بس أدعوا البطل ما يموت ..
وفجاءه أسمعواااا صوت خبطه قوووووويه مره على الباب
..البنات بصرااخ : آآآآآآآآآآآآآآآآآآآآآآآآآآآآآآآه
وتناقزوا بسرعه من الخووف .. وركضوا على الباب .. ووقفوا فجاءه

لإنهم لقوا الشباب قدامهم
واقفين بالحوش ..

ريم اللي من الخوف ما أستوعبت الموقف وراحت ركض لأخوها ماجد
وصارت تتكلم كلام مو مفهوم ومتقاطع : الباب .. البطل ذبحوه ...

والحرامي جانا .........
ماجد : وش فيك ريووم .. هذا زياد شات الكوره وجت على بابكم .. بس
سكتت ريم وقعدت شوي تطالع في الشباب وراحت تركض بسرعه لجوى ..
اللي ما تدري عنه ريم أنه بندر مانزلت عينه عنها من وقت ما طلعت من

الباب لين ما دخلت ..
(( كانت ريم لابسه بجامه ورديه وفيها دبدوب أبيض .. وحاطه شعرها

أثنين وجايبته من قدام وحاطه
شرايط ورديه.. وطالع شكلها بيبي من جد
"بندر في نفسه : بيبي يانااااااااس بيبي .. وربي ما بقت فيني عقل .. أنا

لازم أكلم ابوي يخطبها لي
ماني قادر أتحمل بعدها .. ولااا بعد خايفه ,, يالبى قلبها جعل الخوف فيني

ولا فيكــ ياروحي <<<< منتهي الولد .. هع ..أما بالنسبه لباقي البنات

فكانوا مصنمين مكانهم وطبعا كانوا لابسين
بجامات والشعور منفوشه وحالتهم حاله ..

والشباب كانوا واقفين قدامهم مبققين عيونهم ولا واحد منهم ناوي يتحرك

من مكانه ..
* خلونا نأخذ لفه على أبطالنا .. ونخلي كل واحد يتكلم عن شعورهـــ *
" مشاعل "
كنت أطالع في ماجد وهو مستحي يالبى قلبه .. مارفع عينه ولا شافني ولا

شاف أي وحده من البنات ..
ودي أروح له وأقوله : أحبــــــــــــــــــــــــــــــــــــــــــــــك ..
" رنا "
كنت منحرجه جد من زياد ... يالله تغير وأحلوو .. بس ياربي عينه قويه

.. مانزل عينه من علي .. ياليتني
كنت كاشخه بس .. مو كذااا .. بس الحمد لله شكله ما نسى وعده لي

ومازال يحبني ..
" ريما "
مدري وش فيني .. عيني ما نزلت عن واحد . أنا ما عرفته .. ياربــي

مييين ؟!!! بس شكلله يشبه مشاعل
أكيد هذا مشعل أخوها .. يالبى قلبه مؤدب ما طالع فينــا ..

" ندى وليلى "
كانوا واقفين جنب بعض وكل وحده منهم تبي تدخل جوا .. بس خايفين إنه

إذا مشووا كل الشباب يلتفتون عليهم ..
" ماجد "
ياللــــــــه مشتاقلكـ يامشاعل ودي أشوفكــ .. بس .. بس ماني قادر أرفع

راسي <<<< يستحي الولد هع
" سلمان "
كل مالها تحلو ذا البنت .. أروح فدى ذاا العيوون مع أنها ما طالعت فيني

.. أكيد مستحيه <<< مايدري أن عينها ما نزلت عن ماجد ..
.......................
اللي ما تدري عنه مشاعل ولا يدرون عنه هم بعد .. أن ماجد وسلمان

يحبون نفس البنت !! اللي هي مشاعل
..وفجاءه سمعوا صوت من وراهم ..
............... : ياللــــــي ما تستحون .. آآآآه ياللي ما تربيتواا .. أنا قايلتن

ذاا النوم ما منه لزمه .. بس ما أحد يسمع ..
لفوا كلهم عليها .. وهي جت تمشي بعصاتها ناحيتهم وتتوعدهم ..

الشباب لما شافوها جايه حطوا رجلهم لبرى وهم ميتين ضحك عليها وهي

معصبه ..
والبنات نفس الشئ ركضوا على جوا وهم ميتين ضحك ..
الجده: هيــــــن .. ياللي ما تستحون شغلكم عندي وأنا أم منصور .. حسبي

الله عليكم من مبزره..
.. جوا عند البنات ..
مشاعل : ههههههههههههههههه ياقلبي .. ياقلبي ههههههههههه ..
رنا : ههههههههههههه والله لتفضحنا بكره عند أهلينا ..
ليلى : هههههههههههههههه ياويلنــــــــا ..
ندى : هههههههههههههههههههههه يابطــــــــني كل ما أتذكر شكلها أموت

ضحك ..الجده وهي تدخل : يلي ما تستحن .. وتضحكن بعد .. متفصخات واقفات

قدام الرجاجيل ..
البنات تناقزوا وهم يركضون طالعين الدرج : ههههههههههههههه والله ما

سوينا شئ هم ...........
الجده تقطعها : تعالن ياللي ما تستحن خلني أربيكن بذي .. " وترفع عصاتها "

ندى من كثر ما تضحك ماحست إلا وهي طايحه على وجهها في الدرج :

آآآآآآآآآي ..
والبنات ولا حده وقفت تساعدها ..
ندى بصارخ : مشاعـــــــل .. رنـــــــا .. وجع وينكم .. تعالوا ..
محمد اللي كان سهران بقسمه على التلفزيون طلع يشوف وش ذا الصراخ

والضحك ..
محمد وهو يطالع من فوق الدرج و ما أنتبه لندى الطايحه : خير ياجده..

وش فيكــ ؟؟ ووش مسهرك لين ذلحين ؟!!
ندى ماهي قادره تتحرك من الألم اللي برجلها .. ومن محمد اللي واقف :

ياربي يرجع .. ياربي ما يشوفني ..
الجده : اللي ما يستحون قاعدين بالحوش مدري وش يسوون لو مالحقت

عليهم كان علوووم <<< يااحليل الجده كبرت السالفه .. هع ..
محمد وهو ينزل الدرج : مين ياجــ ............. وسكت لما أنتبه لندى اللي

قاعده بنص الدرج وماسكه رجلها ..
محمد فتح عيونه : ..................................
" ياحلوووووووها .. حتى بدون مكياج حلوه ونعومه ... بس وش السالفه

اليوم أشوفها مرتين !!! أكيد السالفه فيها إن ..

بس من ذي .. أنا أول مره أشوفها ... "
قطعت عليه الجده تفكيره : محمد شوف ندى مدري وش فيها طايحه .. لا

يكون بنتنا متكسره ...
محمد يبتسم " أجل هذي ندى " : طيب
ونزل بعدين وقف ورجع مو عارف كيف يتصرف خصوصا أن ندى

صاده عنه وباين عليها ماتبيه يقرب ..
وبعدين طلع الدرج وراااح ..
ندى مستغربه من تصرفه بس حمدت ربها أنه رااح ..
الجده واقفه عند الدرج : هااه يابنيتي وش فيها رجلتس عسى ما تعورتي ..
ندى وهي شوي بتصيح : مافيها شئ ياجده .. وقامت بصعوبه ..
..............................................
محمد راح يدق على غرفه رغد :
رغد طلعت وهي تضحك بعد ماعلموها البنات بالسالفه : هلا محمد ..

بغيت شئ ..
محمد : إييه روحي شوفي ندى .. شكلها متعوره ..
رغد بإهتمام : طيب طيب .. أنت روح وأنا بشوفها ..

محمد : طيب بس طمنيني .. ok
رغد وهي رايحه : ok ..
................................................
راح محمد لقسمه وراحت رغد تشوف ندى اللي لقتها تمشي بصعوبه وهي

ماسكه رجلها وجايه لهم ..
رغد وهي تمسكها من يدها : هااه ندوش سلامات .. وش فيكــ ؟!!
ندى وما صدقت أحد يسألها : طحت .. والحمارات راحوا وخلوني ..

وجاء أخوك وشافني ..
والله لوريهم الحيونات ..
رغد وهي ماسكه ضحكتها : خلاص خلاص حصل خيرررر .. جات

سليمه .. تعالي أنتي بس .
............................................
عند الشباب تحت ..
بندر : والله ماقصروا البنات مجهزين لنا سهره محترمه

هههههههههههههههههه ..
مشعل : هع هع هع ضعيفات والله ,, لو يجن ويشوفنكــ تأكل من

أغراضهم والله أن يحوسن كشتك ..

بندر وهو يأكل : ههههههههههههههههههه
خالد : والله ما أحد قالهم يروحون ويخلونها ..
زياد وهو يشرب ببسي : والله رزقنا وجاء لحد عندنــا .. فيلم وشبسات

وحركات .. تبينا نقوول لا ؟!!
الكل : هههههههههههههههههه ..
سلمان : والله الفيلم لا يفوتكم ياشباب .. أنا شفته من قبل ..
وقعدوا يطالعون ...
............................................
عند محمد اللي كان يستنى أتصال رغد ..
محمد : وينها ذا الخبله .. لايكون صار للبنت شئ بس .. لالا ما أتوقع ..

ذي رغد أعرف حركاتها
كشتت فيني زي العاده .. مالي إلا أدق عليها وأشوف .. خذا جواله ودق

عليها ..
رغد : هلا محمد ..
محمد بعصبيه : وينك أنتي ؟!!! مو قلت لك طميني ..
رغد تورطت : أووووووووه نسيت .. سوري حمود .. جد سوري ..

بندر وهو يأكل : ههههههههههههههههههه
خالد : والله ما أحد قالهم يروحون ويخلونها ..
زياد وهو يشرب ببسي : والله رزقنا وجاء لحد عندنــا .. فيلم وشبسات

وحركات .. تبينا نقوول لا ؟!!
الكل : هههههههههههههههههه ..
سلمان : والله الفيلم لا يفوتكم ياشباب .. أنا شفته من قبل ..
وقعدوا يطالعون ...
............................................
عند محمد اللي كان يستنى أتصال رغد ..
محمد : وينها ذا الخبله .. لايكون صار للبنت شئ بس .. لالا ما أتوقع ..

ذي رغد أعرف حركاتها
كشتت فيني زي العاده .. مالي إلا أدق عليها وأشوف .. خذا جواله ودق

عليها ..
رغد : هلا محمد ..
محمد بعصبيه : وينك أنتي ؟!!! مو قلت لك طميني ..
رغد تورطت : أووووووووه نسيت .. سوري حمود .. جد سوري ..

.................................................................................................................

:*: البارتـــــــــ الخامســــــ :*:

محمد : طيب لا يكثر هرجك .. وشلون البنت ذلحين ؟!!
رغد وهي تلتفت على ندى : لا ما عليها طيبه .. قطو بسبعه أرواح

هههههههه ..
محمد : ههههههه قولي ما شاء الله .. بسم الله عليها من عينك ..
رغد : هااااااااه .. وش قلت ما سمعت .. وين مريم عنك أنت ؟!!
محمد : أقوول ما تنعطين وجهه أنتي ... وسكر الخط قبل لا يسمع ردها ..
رغد وهي معصبه : سكر في وجهي اللي مايستحــــــــــي ..
البنات : ههههههههههههههههههههههههه
ندى : تستاهلين ما تخلين طوله لسانكــ ..
رغد : أقول ندوووش وش مسويه لأخوي هااااااه !! أعترفي ..
ندى ووجهها قلب أحمر : هااه .. أنا وش سوويت !!
رغد بخبث : مدرري .. أشوف أخوي متغير ذا اليومين ..
.......................................
ندى : أقوول رغد اهجدي عني .. الرجال متزوج ..
رغد تطالعها بطرف عينها : وإذا الشرع محلل أربع ..
قامت ندى من مكانها وهي تشمر كم بجامتها : هيــــــــــن يارغيد الشرع

محلل أربع هاااه .. وتغمز للبنات ..
البنات ما صدقوا وقاموا كلهم مسكوها ..
رغد وهي ميته ضحك : وخروووووووووووا عني .. يالخــــــــــــونه ..
جت ندى ونطت فوقهم على السرير وبدت تدغدغها ..
رغد : آآآآآآآه .. هههههههههههههه .. خلاااااااااص .. هههههههههه .. والله

توبه ..
والبنات ميتين عليها ضحك ..
وفجاءه سكــــــــت الكل فترهـ ..
رغد اللي بالويل تتكلم لإن البنات فوقها :إيش صار !!
ليلى : مــــــــــدري ..
رغد تصارخ : لاااااا تقولون كسرتوا سريري ...... وخرووووووووا عني

بموتـــــ ..
وبدوا يقومون عن بعض وبدت هستيرتا ضحك جديدهــ ..
" بعد نص ساعهـ "
مشاعل : أوووووه ياربي .. بطني يعورني من كثر ما ضحكت ..
ليلى : ياويلي يابنات.. الله يكفينا شر ذا الضحك ..
ريم: أنــا والله خايفه من جدتي .. أعرفها ماهي مخليتنا ..
رنــا : هههههههه إييييه والله إن تذلنا على ذا السالفه سنه قدام ..
ندى : والله لو تقول السالفه مثل ماهي بدون بهارات .. أنا ما عندي

مشكلهـ تقولها ..
ريما : هههههههههه ياحبيلها جدتي .. بس أنا ماعلي منكم بدق على

مجودي يجي ياخذني ..
رغد : وين ياخذك يالخبله ..
ريما : وين يعني .. بيتنا ..
رغد : لااااا مافيه روحه .. إن يد اللهـ مع الجماعه ..
ريما بإستغراب : وش دخل ذا المثل !!!
رغد تفشلت وبدت تتفلسف : هاااه .. إييه يعني إذا كنا مع بعض وشافتنا

كثيرر أظن ما تقدر علينا ..
البنات يطالعون فيها وهي تتكلم متحمسه وأنفجروا عليها ضحك :

ههههههههههههههههههه
ريم : أقول قوموا بس صلوا وناموا ولا يكثر هرجكم .. ترى أذن الفجر
من زمان ..
رغد تمزح : إلا أقول ريم وش رايك تزوجيني أخوك ماجد ..
ريم : ههههههههه ياسلام وتصيرين مرت أخوي وأنا حماتك .. بس أنتبهي

تراني حماه قشراء .. لايغرك شكلي ترا ماني سهله ..
رغد : عاادي أحلى حماه وربي .. وبعدين أهم شئ أتزوج ..
مشاعل اللي مقهوره منها لإنها تتكلم عن حبيبها : الله الله شوفـــوا البنت

مشفوحه على العرس ..
رغد : إييه ياختي أبي أجرب حياهـ جديدهـ .. ابي اقابل وجه جديد ..

مليت من مقابل وجيهكم .. ابي
أنام على تصبحين على خير حياتي .. وأقوم على صباح الخير ياعمري ..
مشاعل : طيب يعني مدام تبغين كذا مولازم تأخذين ماجد ..
رغد بإهتمام : أجل مين أخذ ؟!!
مشاعل : خذي مصطفى راعي بقالتنا ..
البنات : هههههههههههههههههههههههههه
رغد ويدينها على خصرها : لاوالله مابقى إلا ذا المصري ..
مشاعل : وليش وش فيه .. وربي يعرف يدلع مضبوط ..
رغد " والله مابي إلا خالد " : لا ياحبيبتي خليه لك .. وبعدين أنتي وش
عليك أخذت ماجد ولا غيره .. هااه !!
مشاعل تورطت : هااااه .. لااا بس احس أنه ما يصلح لك ..
رغد : وأنتي من وين تعرفين ولد خالتي عشان تحكمين يصلح لي ولا ما

يصلح لي ؟!!
مشاعل وتبي تصرف : هاه ما أعرفه .. أقول رغيد أنتي وش ماكله اليوم

.. ما أنتي طبيعيه ..
رغد : هاااه .. والله مدري وش أكلت .. بس المهم أني جوعانه ذلحين ..
مشاعل : أهااا .. أجل الجوع ضارب بفيوزاتك ..
رغد قامت بسرعه ورحت تفتح الباب تبي تطلع ..
ريم : وين يالخبله ؟!!
رغد : بروح أجيب الشبسات من تحت .. شريناهم وما أكلناهم ..
رنا : لاااااا تعالي ترى الشباب تحت ..
رغد بخيبه وهي ترجع : لاااا لاتقولين ..
ليلى : أجل خلف الله علينا .. على كذا مابقى إلا الأكياس ..
رغد : لاواللــــــــــــه مو على كيفهم ..
ندى : وش بتسوين يعني ..
رغد : وربي لإطلعها من عيونهم بس أنتوا قوموا صلوا وبعدبن ندق عليهم
ونشوف ..
وقاموا ........
.................................................. .......
بعد الصلاه تجمعوا البنات حول رغد اللي خلصت قبلهم وقعدوا حلقه

حواليها وهم متحمسين عشانهم عارفين
حركات رغد وهبالها ..
رغد وتبي ترفع ضغطهم : نعـــــــــــــــــم !!
البنات : وشو اللي نعم ؟
رغد : إييه نعم .. خيررر وش عندكم متجمعين حوالي ..
البنات بققوا عيونهم فيها : ..........................
رغد وبدت فلسفتها : بصراحه أدري أنكم تحبوني وما تستغنون عني ..

بس ماكنت أتوقع
لهدرجه بصراحه يعني أنــا .......
قاطعتها مشاعل : اقول رغيد لا يكثر هرجك .. ويـــــــــلا ..
رغد بإستغراب مصطنع : وشو اللي يلا !!!!!!!!!!
ليلى وبدى يرتفع ضغطها : وشوو بعد .. دقي وخلصينا ..
رغد وهي عايشه الدور مضبوط : أدق على مين ؟!! بصراحه منتو
صاحيات الساعه 5 الفجر ..
ريم اللي من جد عصبت : رغد ووجع .. دقي على بندر وخلصينا ..
رغد وهي ميته ضحك من جواها بس تصطنع البرود : وليــش ؟!! وش

تبين بأخوي ..
رنا وهي ضاربه فيوزاتها : قولي آمـــــــــين يابنت أمي وأبوي جعل ربي

إن شاء الله يرزقك واحد يهبل فيك
مثل ماهبلتي فينا يالسخيفه .. يالزفته ..
البنات رفعوا يدينهم : آميــــــــــــــــــــــــــن ..
رغد خافت : لاااااا .. حرام عليكم وجع ما ينمزح معكم أنتم .. وبعدين

والله آميــن هذي طالعه من قلوبكم ..
ندى : تستاهلين .. أنا والله طالعه من صماصيم قلبي .
البنات : هههههههههههههههههه
ريما وهي تتثاوب : هااه .. بتدقين ولا أروح أنام ترى من جد تعبانه ..
رغد : لا خلاص بدق ..
وخذت جوالها ودقت على بندر ..
رنا : حطيه على الأسبيكر ..
ريم من قلبهااا : إييييييييه حطيه ..
رغد كانت بترد عليهم وتعاندهم بس رد بندر عليها ,, فحطته على

الأسبيكر بسرعه ..
بندر : هاااااه ..
رغد رفعت حواجبها : وش هااه هذي .. تكلم راجو أنت !!
البنات يأشرون لها ويترجونها تسكت عشان ما يعصب بندر ويسكر

بوجهها ..
بندر : داقه تتهاوشين أنتي .. أخلصي وش تبين ..
رغد : لا ماني متهاوشه ولا شئ ..بس أقول بندوري في أغراض لنا في

بيت الشعر .. ممكن يعني
لو سمحت وإذا ماكان عليك كلفه .. تجيبها لنا .. <<<< ما أقدر على

الأسلوب .. هع ..
بندر وعلى وجهه أبتسامه عريضه : لااا ياشيخــه .. أشتغل عند أبوك أنا ..
رغد وهي ماسكه نفسها : طيب لا تجيبها أحنا ننزل نأخذها ..
بندر ويبي يسحب منها الكلام : ومين أنتو ؟!!
رغد وبدت تعصب : مين يعني ! حنــا البنات كلنــــــــــا ..
بندر : أدري .. أمممممم طيب ريوومه معكم ..
ألتفتوا البنات كلهم على ريم الي قلب وجهها طماطه من الأحـــــــــراج ..
رغد بخبث وتبي تحرج ريم زياده : إييييييه حبيبه القلب معنا ..
بندر وهو ما يدري أن البنات يسمعونه : آآآآه يالـــــــــــبى قلبها ذا البنيه ..

إلا أقول رغيد وش رايك بريووم
مرت أخو .. وتصرين أنتي حماتها ..
البنات تفاجأو من اللي قاله بندر بس من الصدمه سكتوا ..
وريم بققت عيونها ماهي مصدقه اللي تسمعه .. يعني بندر يبيهااا .. بندر

يحبها مثل ماهي تحبه
وتموت عليه .. يعني معقوله حلمها راح يتحقق .. وراحت في دوامه من

الأفكار وماهي حاسه باللي حواليها ..
رغد : والله شوف أنت أخوي وبصراحه أنا احبك .. مع أنك تكون غثيث

بعض الأحيان .. بس برضو
مهما يكون أنت أخوي وما أبي أغشك ..
بندر معطيها جوها : إيييه ..
رغد تكمل : بصراحه ريومه قلبك هذي مدري بصراحه يعني مدري وش

أقولك .. بس ما اقولك هي
شينه يعني بالمكياج يمشي حالها ..
ريم تتطالع في رغد بقهر وتهددها وتأشر لها تسكت ..
أما البنات مبسوطين عليها وداخلين معها جوو على الآخـــــــــــــر ..
بندر اللي ما أهتم بكلامهالإنه عارف ريم وشايفها بس يجاري رغد بالكلام
: إيووه ..
رغد : وبعدين الأخلاق لك عليها بصراحه مثل ماقلت لك أنت أخوي وما

أبي أغشك .. يعني
بعض الأحيان تجيها ثقاله دم وتصير غثيثه أعوذ بالله ..
ريم ما قدرت تتحمل وخذت علبه المناديل اللي جنبها .. ورمتها على رغد

اللي خبطت العلبه براسها ..
رغد : آآآآآآآآي .. وجع .. عورتيني ..
البنات أنفجروا ضحك عليهم : هههههههههههههههههههههههههههه ..
بندر : الله يالملعــــــــــونه حاطه على الأسبيكر .. فضحتينا الله يفضحك ..
رغد : اقووول عطيتك وجه ترى .. جيب أغرضنا ولا خلنا ننزل نجيبها ..
بندر وهو يصطنع البراءه : وش أغراضك ذي اللي مزعجتنا فيها من

الصبح .. أغراضي وأغراضي ..
رغد : شبسات وبباسي .. وفيلم بعد ..
بندر ببراءه : أوووووووه .. هذي لكم .. بصراحه حنا أكلناها .. والفيلم

والله ملعووون والدين .. خطير
بصراحه .. من وين جايبينه ..
البنات رفعوا حواجبهم ورغد تخصرت : لاااا واللـــــــــــــــه وليش

تأكلون شئ مو لكم ..
بندر : وحنا وش درانا .. مالقينا عليها أساميكم .. هههههههههههه ..
رغد : أحلف بس .. تستخف دمك أنت ..
بندر : ههههههههههههههههههه
رغد : أقوول مالنا دخل نبي تعويض منكم ..
البنات : إييييييه صح عوضونا .. مالنا دخل ..
بندر : وش تعويضه .. وش تبون يعني ..
رغد : بكرهـ تأخذنا كلنــــــــــــا وتودينا هايبير بنده .. وتخلونا نأخذ اللي

نبي وعلى حسابكم ..
البنات أعجبهم الأقتراح : إييييييه .. إيييييييييه ..
بندر بخبث : طيب وين ريم .. ما سمعت صوتها ..
رغد : وش تبي فيها .. خلها بحالها قالب وجهها طماطم من الأحراج ..
وما حست رغد إلا بخبطه ثانيه على راسها ..
رغد : آآآآآآآآي .. وجـــــــــــع .. وش فيك أنتي ..
بندر والبنات : هههههههههههههههههه ..
بندر : والله شوفو إذا ريوم تبي تروح .. أنا مستعد أوديكم وأخليكم تقضون

على حسابي بعد ..
البنات كلهم ألتفتوا على ريم ينتظرون منها جواب ..
بندر : هاااه .. وش رايك ريوومه ..
ريم : .......................رغد بلقافه : هزت راسها تقول إييييه .. <<<< كذابــــــه .. هع ..
مسويه يعني تستحي مالت على وجه العدو بس ..
بندر : ياقلـــــــــــبي على اللي يستحون .. تعلموا منها بس ..
البنات يصفقون ويصفرون : أوووووووووووووه ..
ريم ماعاد تقدر تتحمل الأحراج أكثـــــــــر فقامت وطلعت برى الغرفه ..

وهي من جواها طايره من الفرح ..
رغد : خلاص يعني بتودينا ؟؟
بندر : أوطي .. بكره إن شاء الله بعد صلاه المغرب تكونون جاهزين وإذا
تأخرتوا بمشي وأخليكم .. سمعتووا ..
البنات : أوكـــــــــــــي ..
بندر : أجل يلا باي ..
رغد : باايات ..
.................................................. .
بندر سكر وراح للشباب ..
زياد : ما صارت مكالمه .. ساعه تكلم ..
بندر : هههههههههههه .. وأنت وش حارك ..
سليمان : يعني حبيبه القلب .. هااه .. ويغمز له ..
بندر : هاااه مين حبيبه القلب ..
سليمان : علينـــــــــــــا يعني .. خويتك ؟؟
بندر : ههههههههه أي خويه ياشيخ .. هذي رغد الخبله ..
خالد وهو يعدل جلسته : وش عندها ؟ّّّ!!
بندر أنتبه لأنتباهه بس طنش : تسأل عن أغراضهم ..
خالد : وإيـــــــوووه .. وش قلت لها ..
بندر قلت لهن أكلناهم ..
زياد بحماس : ووش قالوا ؟!!
بندر : أسكت ياشيخ بغوا يطلعون لي من السماعه وياكلوني ..
الشباب : هههههههههههههههههههههه ..
سليمان : طيب ووش سويت معهم ..
بندر : أبد طلبوا تعويض .. ووعدتهم بكره أوديهم للسوبر ماركت يأخذون

اللي يبون ..
مشعل : هع هع هع .. قايلك بيحوسنك وما سمعت هرجي .. هع هع
بندر : يستاهلوون البنات ..
مشعل : وش عندك راضي عليهم اليوم ..
بندر : ماعندي شئ .. بس صدق من زمان ما طلعنا مع بعض .. وأنا
بصراحه
فكرت كلنا مع بعض .. وش رايكمــ ؟!!
ماجد : والله ماهيب شينه ..
خالد : إيييه والله نمشيهم ضعيفات .. ونتمشى حنا بعد ..
سليمان : طيب متى بتروحون ؟
بندر : أنا قلت لهم بعد صلاه المغرب مباشره ..
الشباب : على خير إن شاء الله ..
.................................................. .......
عند البنات اللي كانوا متسدحين على الفرش .. طبعا كلهم بالأرض بعد ما

أنكسر سرير رغد ..
ريما ورنا وندى أول ما حطوا روسهم على المخده ناموا ...
أما رغد فكانت تتقلب يمين وشمال وأزعجت مشاعل وليلى اللي كانت هي

بوسطهم ..
مشاعل : وش فيك أنتي ؟!!
ليلى : إييييه ياشيخه وش فيك .. طيرتي النوم من عيني ..
رغد : وش أسووووووووي .. ما اقدر أنام وأنا جوعانه ..
مشاعل : ههههههههههههه
ليلى : أووووووووووص .. صحيتوا البنات ..
رغد وهي تقعد : أقول وش رايكم ننزل نفطر ..
مشاعل : ذلحيــــــــــــــــــــــــن ؟ّ!!
رغد : إيييه .. ليش كم الساعه ..
ليلى : 7
رغد : طيب عادي .. أنا بنزل اللي تبي تجي معي حياها الله .. واللي

ماتبي تنخمد ..ليلى: أنا بجي ..
مشاعل : وأنا بعد ..
ومشوا بشويش ولما فتحوا الباب ..
............ : وين ويـــــــــن ؟!!
ألتفتوا الثلاثهــ لمصدر الصوت و ....................