قصة أنت غرامي الجزأ الأول

*** الشــــ خ صياتـــ ***الجدهـ نورهـ وهي شخصيهـ حبوبهـ تحب تعاند عيالها وأحفادهــا وعلى كذا الكل يحبهاوهي ساكنه عند ولدهـا " منصور " أبو محمد وزوجته " الجوهره" أم محمد وعيالهم هم :محمد 30 سنه ومتزوج من برى العايله ,, وبدر 32 ,, ورغد 21 ,, رنا 18 ,, وسارهأخر العنقود وعمرهـــــا خمس سنواتــ ..
وعايله " عبدالرحمن " أبو مشعل وزوجته " نجلاء " أم مشعل .. وعيالهم هم : مشعل 24 ,,مشاعل 21 ,, ندى 17 ,, تركي 11 سنه ,,
وعايله " عبدالله " أبو خالد وزوجته متوفيه الله يرحمها .. وعياله هم : خالد 25 ,, سليمان 23 ,,زياد 18 ,, وأختهم الوحيده ليلى وعمرها 21 .. وأخر العنقود نواف وعمره خمس سنواتــ ونص ,, طبعا أبو منصور وأخوانه لهم شركه يشتغلووون فيها هم وعيالهم .. وهم يعتبرون من الطبقه الفوق متوسطه ...
***************************************

*:* البارتـــ الأولــــــ *:*
في بيت ابو محمد " منصور :
نزلت تركض من الدرج تنزل درجتين درجتين وعبايتها في يدها
أم محمد :رغد خيررررر وش ذا المراكض مع الصبح
..قربت من الطاوله وشافت أخوانها مجتمعين
رغد : صباح الخيرر .. وباست راس أمها ..
بندر : وش عندك مع ذا المراكض ؟
رغد : ماعندي شئ بس متأخره " لفت على أمها " إلا أقول يمه وين أبوووي ..
أم محمد : أبوك خذى خواتك يوديهم مدارسهم بعدين راح للشركه ... أقعدي يمه أفطري .
رغد : طيب يمه بس عشان خاطركــ .. وقعدت تأكل ..
شوي إلا نزلت ساره من الدرج وهي تعرك عيونها ,,
ساره : ثباح الخيرر
أم محمد : هلا حبيبتي ,, صباح الخيرات
رغد : وش مصحيك أنتي ؟؟!!
ساره : أبي أروح المدرثه " ابي أروح المدرسه "
بندر يبوسها ويحطها على رجله : متى بتروحين ذلحين ؟
ساره : لاااا الثنه الثايه " السنه الجايه "
الكل : ههههههههههههههههههههههههه ..
رغد: وقايمه من ذلحين
..ساره بعصبيه : إيييييييييه ..
بندر : ههههههههههه .. وألتفت يكلم رغد هيه أنتي مو قبل شوي بغيتي تتكسرين تقولين متأخره ؟
رغد : طالعت أخوها بخبث : بندوووري حبيبي ..
بندر : هااااه .. أخلصي وش تبين !!
رغد : فاهمني هههههههه
بندر : أجل هااه .. وش بغيتي
رغد : وش رايك توديني اليوم للجامعه أبي أكشخ فيك عند البنات ...
بندر : ههههههههههههههه وش قالولك فستان تكشخين فيني .. وبعدين أخاف تأخريني عن الشركهوأخذ تهزيئه محترمه من الوالد بسبتك ..
رغد : لاااا تكفى .. وقامت تلبس عبيتها : هاه ماني مأخرتك يلااا قووم ..
بندر قام وهو يضحك على هبال أخته :. يلاااااا ..
"بندر كان مزيون بالحيل وعليه طول ما شاء اله عليه وجسمه معضل يعني البنات يخقووون عنده.. وغير كذا روحه حلوه ومرجوج شوي .. وعنده وقت الجد جد .. ووقت المزح مزح "
.................................................. .................
"في الجامعه "
رغد : صباح الخيررر على أحلى صبايا ..
الكل : صباح الخيرااات .
ريم : كان ما جيتي أحسن ..
مشاعل : إييه المحاضره ما بقى عليها إلا خمس دقايق ..
رغد بدلع : وش أسوووي بندر أخرني .." وتتالع في ريم "
مشاعل تتطالع في ريم بخبث : أهااااا ,, اجل مادام كذا معذوره ..
ليلى : ههههههههه حرام عليكم استلمتوا البنت ..
ريم بعصبيه : أقوول يلااااا بس لا يكثر هرجكم المحاضره بدت .
الكل : هههههههههههههههههه
وراحوا للقاعه
.................................................. ......
في بيت أبو مشعل ....
أم مشعل قاعده باصاله الكبيره الواسعه واللي مأثثه أحسن أثاث وحاطه رجل على رجل وتشرب شاهي الصباح ..
" أم مشعل متسلطه على عيالها وزوجها ,, وكلمتها هي اللي تمشي وأهم شئ عندها الأتكيت والمظاهر "
مشعل وهو نازل من الدرج : الســـــــــلام عليكم ..
أم مشعل : وعليكم السلام ..
مشعل : وشلونتس يمه ..
أم مشعل بقرف : بخيرررر .. أنت متى بتعدل لسانك وتتكلم زي الناس ..
مشعل بعربجيه : هع هع هع ياحليلتس يمه .. ليه وش فيه حتسي الله يهديتس ..
" مشعل ماعليه مزيووون بس أنه عربجي شوي مع هذااا مافيه أطيب من قلبه "
أم مشعل رجعت تتططالع برنامجها وما ردت عليه
..مشعل بصراخ وصل لجيرانهم : سنتيـــــــــــــــــــــــــا .. سنتيـــــــــــــــــا !!!
الشغاله جت مفجوعه : نعم بابا مشئل
مشعل : نعامه ترفسك إن شاء الله .. هاتي الفطور
..الشغاله : إيش يبغى فطور بابا .. بانكيك ولا ..........
مشعل : مالت عليتس هاتي زي كل يوم ولا تنسين البصل والكراث .. وهاتيه هنا ..راحت الشغاله وهي تتحلطم
..أم مشعل : وليش إن شاء الله حاطين طاوله قم كل هناك ..
مشعل : يمــــــــــــــــــه ,, ما أحب خليني على راحتي ..
أم مشعل بصوت واطي : هذا مقابل جدتك الله يأخذهاا ..
مشعل سمعها بس سكت ..
جابت الشغاله الفطور ,, ونزل مشعل على الأرض وفرش السفره ..
مشعل : يلا حطيه شعلتس مانيب قايل ..
أم مشعل : وش فيك على الآدميه .. هذا فوق ماهي خادمتك تقول كذا !!!
مشعل : مانيب أحب الشغالات .. إلا يمه متى تزوجوني وأفتك منهن ..
أم مشعل : ومن اللي ماسكك . هذولا بنات خوالك كل وحده تقول الزين عندي ..
مشعل بصوت واطي : ووووووووععععععع مابقى إلا أخذ من ذا المايعات ..
أم مشعل : هاااااه وش تقوول !!
مشعل : أقول سلامتس يمه .. هونت مانيب متزوج ..
.................................................. ...
" نرجع للجامعه "
البنات متجمعين بالكفتريا ..
ليلى : هااه بنات وش تبون فطور ..
مشاعل : وش نبي يعني .. زي العاده طعميه وعصير ليمون ..
ريم : أصلا هو في غيرهاااااا ..
جت ريما أخت ريم وحطت أغراضها على الطاوله ..
ريما : هااااااااااااااي صبايااا ..
البنات هااااااااايااات ..
ريما : هاه خلصتوا محاضرات ولا باقي ..
مشاعل : لا باقي لنا محاضره وحده .. ومع دكتور غثيث بعد ..
ريما وتبي تقهرهم : يؤ يؤ يؤ .. يااااااااضعيفات .. أنا خلصت ..
رغد : ريم سكتي أختك لأقوم أتوطى ببطنها ذلحين ..
ريم : خذي راحتك .. وإذا تبين مساعده أنا حاضره ..
ريما : هــــــــئ أنتي مو كأني أختك .. وبعدين وش فيكم علي عشاني أصغر منكم يعني ؟!!!
رغد تبي تقهرها : إيييييييييه مانبي بزران معانا ..
ريما : وشووو بزرانه بعد ,, ترى الفرق بيني وبينكم سنه وبعدين ............
ليلى تقطع كلامها عشانها عارفه أنها ماراح تسكت زي العاده : يلا بنات بروح أجيب فطور مين تروح معي !!
ريما : أناااا بروح ..
لما راحوا
رغد : بنات وش رايكم نجتمع من زمان ما أجتمعنا ولا سهرنا مع بعض ...
ريم : إيييييه والله من زمان عن المغامرات والهبال ..
مشاعل : حلوو وخاصه أنه اليوم أربعاء ..
رغد : خلاص أجل نجتمع عندي بالبيت وأعملوا حسابكم أنكم بتنامون عندي ..
مشاعل : خلاص أنا ماعندي مانع بس بشوف أمي ..
ريم : وأنا بعد بشوف أهلي وإن شاء الله ما يقولون لا ..
وجوا البنات من الكفتريا وقالوا لهم البنات ووافقوا ..

*!* البارتـــــــــ الثانيــــــــــــ *!*
دخل بندر على مشعل مكتبه ولقى خالد عنده ..
بندر : مرحبا عياال العم ..
مشعل وخالد : هلا والله ... تفضل
بندر وهو يجلس : وش أخباركم شباب !
مشعل : تمااام .. وينك ياشيخ مالك شوفه ؟؟
بندر : موجود .. بس مشغول بالمشروع الجديد ..
خالد : حق شركه ............
بندر : إييييه ..
مشعل : إيه عمي قالنا عنه ويقول هو مسؤوليتكم ويبينا نبيض الوجه ..
بندر : زيييييين يعني بتعاونوني عليه ..
خالد : يصير خيررر .. أقول أبوي وعماني طلعوا ولا لسى ؟!!
بندر : لاااااااا .. طلعوا منذ مبطي .
خالد : زيييين .. اجل وش مقعدنــا .. مشينــــــــا
مشعل : هع هع يعني إذا غاب القط ألعب يافار ..
الكل : ههههههههههههههههههههه ..
.................................................. ....
"في بيت أبو بندر "
دخلت رغد البيت ولقت أمها وجدتها يتقهون بالصاله ..
رغد: السلااام عليكم
أمها وجدتها : وعليكم السلام ..
الجده : وش فيه وجهك أحمر ياكافي
رغد وهي ترمي نفسها على الكنبه : أحرقتني الشمس قعدت ساعه أستنى ذا الخبل " تقصد السواق
"إلا أقول يمه ترى اليوم بنات عمي بيجونا وبينامون عندنــا بعد ..
أم بندر : حياهم الله بس عزمتي بنات خالتك أم ماجد معهم ؟!!
رغد : إييييييه أكيد بيجون أصلا الجلسه ماتحلو إلا بهم ..
أم بندر : زين .. متى بيجون ..
رغد : بعد المغرب إن شاء الله ..
الجده : ولييييش النوم إن شاء الله .. كل وحده تنام ببيتها ما أحنا ناقصين ازعاج ..
رغد تأشر لأمها بعيونها
أم بندر : ليه ياخاله خليهم يوسعون صدورهم قبل الأختبارات ..
الجده : ماقلت شئ .. أجل بكيفكم .. بس ترى أنا راسي يعورني وتسبدي ثايره علي أن سمعت لكنحس ياويلكن ,, بربيكن بذي " وترفع عصاتها "
أم بندر : ههههههههههههههه
رغد : ههههه لا ياجده ماراح نزعجك لا تخافين
الجده : نشوف
رغد : إلا يمه وين رنــــــا ,,
أم بندر : توها داخله من المدرسه وطلعت غرفتها ..
رغد وهي تقوم : أجل بروح ألحق عليها قبل تنام وأقول لها عن البنات ..
أم بندر : طيب بس أنزلوا لاا تتأخرون بنحط الغداء ذلحين .. أبوك على وصوول ..
رغد وهي تتطلع الدرج : إن شاء الله ..
.................................................. ........
في غرفه رنا دخلت رغد وفتحت الباب بقوووه من غير لا تدقه
رنا قمزت : وجع إنشاء الله فجعتينـــــــــــــي ..
رغد وهي تضحك على شكل أختها : ههههههههههههههههههههههههههههه
رنــا وهي معصبه : ضحكتي من سرك بلا قولي آمين ..
رغد : ههههههههههههه طيب خلاص آسفه .. وتحاول تمسك نفسها : بتنامين !!
رنــا : وش تشوفين يعني !
" كانت رنا منسدحه بسريرها ومشغله المكيف ومطفيه الأنوار "
رغد : طيب بس كنت بقولك أنه بنات عمي وبنات خالتي بيجونا اليوم وبينامون عندنا بعد ..
رنــا قامت : واللــــــــــــــــــــــــــــــــــــــــــه ..
رغد بفخر : إيه
رنا : الله وناااااااااسه من زمان عنهم ..
رغد : شفتي هذي أفكاري ..
رنا : طيب يا أم الأفكار أطلعي خليني أنام قبل لايجون ..
رغد : طيب طالعه بس أمي تقول أنزلوا تغدوا ..
رنا : مابي مالي نفس
رغد وهي تسكر الباب : بكيفك

.................................................. .......
في بيت عبدالله " أبو خالد "
كانوا كلهم متجمعين على السفره
ليلى : يبه ترى اليوم بروح بيت عمي منصور عازميني البنات ويمكن ننام عندهم بعد ..
أبو خالد : على راحتك يابنيتي
نواف : وأنا .. وأنـــــــا لولو بلوح معك
سليمان وهو يعانده : أنت لاااا مافيه روحه ..
نواف بعصبيه : إلااااااااااااااااااا بلوح مع لولو ..
زياد دخل جو معاهم : لااا مافيه ,, عارفك تبي تروح عشان سارونه هااه ..
نواف بصراخ : إلا بروح عند ثاره هي ثديقتي " إلا بروح عند ساره هي صديقتي "
الكل : ههههههههههههههههههههههههههههه
سليمان : طيب أنا أبي أروح معكم ..
زياد : وأنا بعد ..
نواف : لااااااااااا مافيه .. عيب ويطالع في أخته اللي يعتبرها مثل أمه لإنها هي اللي ربته بعد وفاته

أمه : ثح لولو
ليلى : صح حبيبي
سليمان وزياد مبرطمين يسون أنفسهم زعلانين ..
ونواف تشقق من الفرحه يوم شافهم : لولو يلا نلوح نلبث " ليلى يلا نروح نلبس "
ليلى : لاحبيبي ذلحين بنروح ننام شوي وبعدين ألبسك لبس حلوو وبعدين نروح .. طيب ..
نواف وهو يرجع يجلس مكانه : تيب ..
................................................
في بيت أبو مشعل وبالتحديد في غرفه مشاعل ..
ندى : أنا عارفه أمي ماراح توافق ..
مشاعل : طيب وش نسوووي !! أنا أبي أروح ..
ندى : وأنا بعد .. طيب وش رايك نروح بدون مانقولها ..
مشاعل وهي حاطه يدينها على خصرها : أحلفــــــــي بس .. ناويه على موتك أنتي والله لو
...........
.سكتت مفجوعه لأنها سمعت صوت الباب يدق
ندى : مييييييييين !!
مشعل : أنـــا ..
مشاعل قامت تفتح الباب : فجعتنا ..
مشعل : هع هع هع وش تخططون عليه وماتبون وزاره الداخليه تسمع . هااااه ...
ندى وهي شوي وتصيح : نبي ننام عند بنات عمي وأمي ماراح توافق ..
مشعل : هع هع بس كذا .. عندي حلها وأنا أخو رجســــــــاء هع هع ..
البنات نطوا عنده : وشوووووووو الحل ..
مشعل : هع هع كل ذا تبون تروحون ,, طيب كم تدفعون ..
البنات متحمسين : اللـــــــــــــي تبي ..
مشعل يبتسم بخبث : أبي كبسه !!
ندى تتمسكن : مانعــــــــــــــــــــــــرف ..
مشاعل : طيب أبشر نتعلمها لعيونكــ .. بس قول كيف نقنع أمي ؟!!
مشعل : حلو مادام فيها كبسه أوديكم المريخ لو تبون ,, أسمعوا أنتم قولوا لأمي أنكم بتروحون
شوي وترجعون .. يعني لا تقولون لها أنكم بتنامون ,, وخلوا الباقي علي .. أوكــــــي ..
ندى بفرح : أوكــــــي ..
مشاعل : وإذا مانجحت خطتك ورجعتنا أمــــــي ..
مشعل : لاا أفاااا عليكـ بتنجح .. يلا أنا طالع تبون شئ ..
البنات : سلامتكــ
.................................................. .
في غرفه رنــــــــا اللي كانت نايمه وصوت الجوال يدق بنغمه مسلسل سنوات الضياع ..
رنا وهي تمد يدها وتأخذ الجوال : هاااااااااااااه
ندى : وشو هااااااه هذي ,, الناس يسلمون ..
رنا : وش تبين يالمزعجه ..
ندى : وش ذاااا الأخلاق أعوذ بالله ...
رنــــا : .................................... نامت
ندىبصراخ : رنوووووووووووووووو ووجع ..
رنا : هاااااه هااااااه وش تبين ,,
ندى: خلاص مابي شئ بس كنت بقولكــ تعرفين الفليم اللي قالت لنا عنه نوره بالمدرسه ..
رنا من تحت البطانيه : إيييه فيلم الرعب قصدكـ ..
ندى : إييييييييييييييه
رنا : وش فيه طيب ..
ندى : شريته اليووم وبجيبه معي لجيناكم .. وش رايكــــ ..
رنا : إيييييييييه جيبيه أبي أشوووفه ..
ندى : أوكـــي بجيبه .. يلا أشوفك على خير ..
رنا : أوكي بس لاتتأخرون ..
ندى : أوكي ..
.................................................. .........
المغرب
رنا وهي تدخل على رغد غرفتها ..
رنا : هاه رغد خلصتي البنات على وصووول ..
رغد وهي تحط الماسكره : إيه خلاص بس باقي شووي .. أقول رنووو جهزتي كل شئ ؟!!
رنا : إيييه كل شئ جاهز وتوني جايه من المطبخ وكل شئ تمااام ..
رغد : طيب شوفي سارونه تحت لبسيها قبل لا يجون ..
رنا وهي تتطلع : طيب الله يعيني على أختك ..
رنا تنادي ساره من عند الدرج : سارونـــــــــــــــــــه ,, سارونــه
ساره جت تركض عند الدرج وتطالع أختها من تحت : هاااه
رنا : تعالي ألبسك لبس حلوووو .
ساره بصراخ : مااااااااااابي حقي حلوو ..
رنا بصوت واطي : وش أسوي فيها ذا البلشه ..
أقوووول سارونه ذلحين بيجي نوااف وأنتي لبسك ييييييييييع . تعالي ألبسكــ حلوو ..
ساره قعدت تفكر بعدين طلعت الدرج وهي تركض : هههههههههههههههههههههههه
رنا تضحك على ضحك أختها : والله مانتي هينه ياسوير ..
.................................................. .......
.بالكوفي
بندر كلم بالجوال : ياأخي وينكم !! لي ساعه أستناكم ..
خالد : هذا حنا بالطريق .. بس بنمر مشعل ناخذه من بيتهم ونجيك ..
نبدر : يووووووه ,, يعني مطولين يأخـــــــــي مليت ..
خالد : خلاص لا تقعد تحن .. الله يعين اللي بتأخذك بس ..
بندر يسوي نفسه معصب : أقوول أخلص .. لكم عشر دقايق أن ماجيتوا بروح ..
خالد : طيب .. طيب ........................................
بعد المغرب تجمعوا البنات وقاعدين بالصاله ..
مشاعل : أقول رغد وين بنات خالتك ماجوا ,, تأخرووا
رغد : توني دقيت على ريم وتقول أنهم يستنون ماجد يقول عنده شغله بيقضيها وبيجيهم ..
مشاعل أرتبكت من طاري ماجد : أهاااااا .."
مشاعل تحب ماجد ولد خاله رغد من زمااان لإنه ماجد مزيوووووووون بالحيل غير كذا هي كانت تسمع
عنه من بنات عمها رغد ورنا فكبر حبه في قلبها .. بس مشكلتها أنها ماتدري هل هو يبادلها نفس الشعور ولا لا "
رغد : هذا الجرس يدق أكيد هم ..
رنـا : انا بقوم أفتح ..
ريم وريما وهم يدخلون بعد مارحبت فيهم رنا : هااااااااي صبايا ..
البنات : هااايات .. وقاموا سلموا عليهم ..
ريم وهي تجلس : كيفكم بنات
رغد :تماااام
وفجاءه دق جوال ندى بنغمه " يسألني مكانه ويــــن ** جوا القلب ولا العين ** مايدري حبيب الروح ** أنه ساكن الأثنين "
رنا: وهي ماتخلي لقافتها : الله الله .. ميييييييين ؟!!
ندى وهي تسبل بعيونها : حبيبــــــــــــــــــي
نطت رنا عندهــا :مين أعرفه ..
ندى وهي قايمه عشان تكلم : مالــــــــــــــك دخل .. وطلعت للحوش
البنات : هههههههههههههههههه
ندى تكلم صديقتها : وينك يالدبه ليش ماجيتي اليووم ؟؟؟
من جهه ثانيه بالحديقه كان محمد جالس وسمع صوت
محمد في نفسه : زين هذي رغد كنت بناديها .. وراح لها
وفجاءه ........................

*!*
البارتــــــ الثالثــــــــــ *!*

وقف مكانه وهو يشوف ندى اللي ما أنتبهت له وقعد يتأملها بعدين حس على نفسه وصد عنها وراح ..
محمد : ياللـــــــــه من ذااا المزيونه .. لاوعلى الزين شياااكه ونعومه .. ماشافت الهم اللي عندي .."
محمد متزوج " مريم " وحده من برى العايله هو يحبها ولكن مو سعيد معاها .. لإنها ماتهتم في نفسهاوماتهتم فيه ولاتظهر له حبها بحجه أنه هذي حركات مراهقين !!!!!!! "
محمد : آآآآآآآآه يارب .. صبرني على مابليتني .. بس لو تفهمني ..وقام يدخل بيته وهو مهموم .. ولقاها قاعده بالصاله ولابسه جلابيه ورافعه شعرها ولا حاطه ولا نقطه مكياج ..
محمد : السلاااااام
مريم :وعليكم السلام .. وش فيك هموم الدنيا على راسك !!
محمد وهي يرمي نفسه على الكنبه : مافيني شئ
مريم ما أهتمت ورجعت تقلب بالقنوات ..
مريم : إلا أقول محمد ..
محمد : سمي حبيبتي ..
مريم : ترى بكره معزومه لزواج صديقتي .. وأبيك توديني المشغل ..
محمد : يصير خيررر ...... وطلع .. ..............................................

في الكوفي ..
زياد : أقول شباب قوموا خلونا نمشي ..
خالد أخوه : وليش !! هذا حنا قاعدين ومبسوطين ..
زياد : ياأخي مليـــــــــــت من مقابل وجيهكم ..قوموا بس ولا بقوم لحالي ..
بدر : طيب وين تبينا نروح ..
زياد وهو يبتسم : نروح نلفلف ونرقم لنا كم بنيه ..
مشعل : هع هع هع الله يرجك ياشيخ ثول كذا من الصبح ..
سليمان : مايخلي حركاته ذا الولد ..
زياد يسوي نفسه معصب : أرحمونــــــــــــــا يالمؤدبين .. لو أمسك جوالاتكم طلعت الفضايح ..
سليمان أرتبك :
طيب .. طيب خل الهذره الزايده ويلااا ..
وطلعوا من الكوفي .................................................
الساعه 1 عند البنات اللي كانوا متجمعين في غرفه رغد ..
رنــا : هاه بنات وش تبونا نسوي ذلحين ..
ندى : خلونا نشوف الفلم اللي قلت لك عنه ..
رنا : إيييييييه صح نسيت .. يلا
رغد : أجل الدعوه فيها فليم وحركات خلونا ننزل تحت بيت الشعر .. بندر مركب شاشه عرض سينما ..
ريم بدون ما تحس : يـــــــــــالبى قلبه ..
البنات ألتفتوا لها مفجوعين من تصريحها هم حاسين أنه بينها وبين بدر شئ بس مو متأكدين ..
ريم تورطت : وش فيكم ..
رغد قربت منها بخبث : مين اللي يالبى قلبه .. هااااااه !!
ريم أرتبكت : هاااه .. هـــــــذا وأشرت على التلفزيون اللي كان فيه فيديو كليب لملحم زين ..
البنات : أهااا صدقناكـــ
ريم : بتصدقون ولا كيفكم ..
رنا تبي تخلص بنت خالتها لإنها تعرف بحبها لبدر أخوها : أقول رغد وين الببسي والبطاطس لزوم
السهره ..
رغد : تحت في درج المطبخ ..
رنا : خلاص أجل أنتو أنزلوا وأنا بجيبها وألحقكم ..
البنات : يلا .................................................. .
في السياره
مشعل : مامليتوا من ذا الفرفره ..
خالد : إلا والله بس وين نروح ؟؟
بندر : وش رايكم نروح للبيت عندي ..
سليمان : فكره والله .
بندر : خلاص أجل مشينا ..
وهم بالطريق دق جوال بندر وكان المتصل ماجد ولد خالته ..
بندر : هلا والله وغلا بالقاطع ..
ماجد : هههههههههههههههه الناس تسلم أول ..
بندر : هههههههه وش أخبارك ؟؟
ماجد : تمام
بندر : وينك ياشيخ ..
ماجد : موجود واليوم كنت ببيتكم ومالقيتك ..
بندر مستغرب : وش عندك ببيتنا ؟؟ وليه ما قلت لي أستناك ..
ماجد : أبد نزلت ريم وريما عندكم ورحت ..
بندر قلبه يدق طبول من طاري ريم : أهااااا .. وسكت ..
ماجد : وش فيك
بندر : هااااه .. لا مافيني شئ إلا وش رايك تجينا ذلحين للبيت متجمعين أنا والشباب ..
ماجد : مين
بندر : عيال عمي مشعل وخالد وأخوانه سلمان وزياد ..
ماجد : حلووو خلاص جايكم والله من زمان عن الشباب ..
بندر : خلاص أجل نستناك .................................................... .....
البنات وهم نازلين من الدرج ورايحين لبيت الشعر ..
رغد شهقت : هـــــــــــــــــئ ..
ليلى بققت عيونها : هذولا وش مسهرهم لين ذلحين .. أنا مدخلتهم الغرفه بنفسي ومنومتهم ..
ساره ونواف قاعدين يطالعون سبيس تون ولا أهتموا حتى للبنات ..
رغد نزلت لعندهم وهي تسوي نفسها معصبه : سويــــــــره .. نوافــــــواه وش تسووون ؟؟
تلحقها ليلى : وين النوووم ؟؟ الساعه وحده ونص ..
ساره وهي تمسك يد نواف : ماااااااانبي
رغد بصراخ : أقول قومي بلا دلع بنات يلااااااا
نواف وهو معصب : لاتثااااااارخين عليها ..
البنات كلهم أنفجروا ضحك على أشكالهم .........
جت رنا وهي شايله أكياس الببسي والبطاطس والشكلت : وش فيكم ؟!!!
ساره ونواف بققوا عيونهم على اللي معها ..
مشاعل : لاااا عز الله ناموااا بعد ما شافوك ..
ندى : انتي وش جابك ذلحين ؟
رنا ببراءه : وأنا وش دراني ..
ليلى : يلا بنعطيكم تأكلون وتروحون تنامون
نواف : لاااااااا بنلوح معكم ..
ليلى : وين تروح !!! حنا بنشوف فيلم يخووووووووف مره ..
ساره: حنااا ما نخاف أثلا " أصلا "
رنا معصبه : أقوووول بالطقاق خلوهم يجوون بس خلوني أسمع حس واحد منكم ساااااااامعين ..
نواف وساره بفرح : تيــــــــــــــــــــــــــب ..
وراحوا كلهم ودخلوا وسكروا الباب وراحت رغد تضبط الشريط والبنات يسولفون لين تخلص ..
رنا بصوت واطي : أقول مشاعل ..
مشاعل : هلا
ندى : ماتدرين وش سوى مشعل مع أمي والله أني حاطه يدي على قلبي كل شوي أقول بتدق ..
مشاعل : هههههههه يااحبي لأخوي ..
ندى بإهتمام : ليه وش سووى .. ووشي خطته ..
مشاعل : قال لأمي أن جدتي مارضت تخلينا نرجع وأنها حالفه علينا ننام عندها . عاد أنتي تعرفين أمي
نقطه ضعفها الوحيده هي جدتي ..
ندى : هههههههه إيييييه والله ..
رغد سكرت اللمبه : يلا بنات خلاااص ولا كلمه بدأ الفيلم ..
ساره وهي ماسكه يد نواف بقوه : ثغلـــــوا اللمبه ..
نواف :إيييه ثغلوها ما نثوف ثي " إيه شغلوها ما نشوف شئ "
رنا : مااافيه بتقعدون ساكتين ولا اطلعكم ..
بدت موسيقى الفيلم واللي كانت رعب ومع الظلام سوت جو يخوف من جد ..بعد خمس دقايق بدت ساره تصيح ونواف ماسك نفسه ..
رغد : يوووووووووه .. ما ينفع كذااا .. أنا بأخذهم وبنومهم غصب وبجي .. أوكي ..البنات مو معاها مره : ........................
قامت رغد وخذت نواف وساره وطلعت وهي تمشي بالحوش شافت واحد واقف من بعيد ومعطيها ظهره ..
أبتسمت رغد بخبث : نواف سارونه روحوا داخل وأنا بجي ذلحين ..
ساره : تيب ,,,, ودخلوا
رغد وهي تمشي بشويش وهي تقول في نفسها والله لأوريك يابندر جاء اليووم اللي أنتقم فيه منكــ ..
وقربت منه وكان يتأمل في حوض ورد جوري زارعته رغد لإنها تحب هذا النوع من الورود ..
رغد وهي تمشي بشويش : طـــــاااااخ ..
ألتفت ..................................